ဘီပိုး၊စီပိုး-အသည်းရောင်ရောဂါရှိလျှင်ဘာမစားသင့်ဘူးလဲ

0
518

တချို့သောအစားအစာများသည် အသည်းကိုထိခိုက်နိုင် သောကြောင့် အသည်းရောင်အသားဝါရောဂါရှိလျှင်အစား အစာကိုဂရုတစိုက်ရွေးချယ်စားသုံးသင့်ပါတယ်။ အသည်း ရောဂါရှိလျှင်အလွန်အကျွံမစားသင့်သောအစာနှင့် ရှောင် ကြဉ်ရမည့်အစားအစာများကိုမှတ်သားနိုင်ရန်အောက်တွင် ဖော်ပြထားပါတယ်။

အာဟာရဖြစ်သောအစားအစာများအပြင်ကျန်းမာရေးကိုထိ ခိုက်စေသောအသည်းကိုထိခိုက်နိုင်သောအစားအစာများ လည်းရှိပါတယ်။

အရက်ဖြတ်ပါ

အရက်သည်အဆိပ်အတောက်ဖြစ်စေပြီးအူမှအာဟာရဓာတ် များစုပ်ယူခြင်းကိုဟန့်တားသောကြောင့်အမြဲရှောင်ကြဉ်သင့် သောအစားအစာတွင်ပါဝင်ပါတယ်။ ဘီယာ၊ ၀ိုင်၊ ရှန်ပိန်၊ အရက်ပြင်းများသောက်ခြင်းကိုရှောင်ကြဉ်ပါ။ ဆေးဆိုင်တွင် အလွယ်တကူရနိုင်သောအရက်ပါဝင်သောချောင်းဆိုးပျောက် ဆေးရည်များကိုမှတ်သားပြီးရှောင်ကြဉ်သင့်ပါတယ်။

ဆိုဒီယမ်ဓာတ်(ဆား)ပါဝင်သောအစားအစာများအလွန်အကျွံ စားခြင်းကိုရှောင်ကြဉ်ပါ။

ဆိုဒီယမ်ဓာတ်များပါကအသည်း၏လုပ်ငန်းဆောင်တာများကို ထိခိုက်စေနိုင်ပြီးသွေးပေါင်တက်ခြင်းမှတဆင့်အသည်းအဆီဖုံး ရောဂါကိုဖြစ်စေနိုင်ပါတယ်။ စည်သွတ်ထားသောအစားအစာ များသည် ဆားနှင့်သကြားဓာတ်ပါဝင်မှုများသောကြောင့်ဗိုက် တွင်ဖောရောင်ခြင်း၊ သွေးအတွင်း ရေဓာတ်များခြင်းတို့ဖြစ်စေနိုင် ပါတယ်။

ပြည့်ဝဆီများစားခြင်းကိုရှောင်ကြဉ်ပါ

အသည်းရောဂါဖြစ်လျှင်ကိုယ်အလေးချိန်ကျဆင်းနိုင်သော ကြောင့်အဆီကိုလုံးဝရှောင်တာမျိုးမလုပ်သင့်ပါဘူး။ သို့သော် လည်းအသည်းရောဂါဖြစ်နေချိန်တွင် အဆီကိုအူမှစုပ်ယူနိုင် ရန် နှင့် ခန္ဓာကိုယ်မှချေဖျက်နိုင်ရန်အတွက်လိုအပ်သော သည်းခြေရည်ထုတ်လုပ်မှုနည်းလာနိုင်ပါတယ်။ ထို့ကြောင့် ကျန်းမာရေးနှင့်မညီညွတ်သောပြည့်ဝဆီ (ထောပတ်ဆီ၊ အဆီမထုတ်ထားသောနွားနို့၊ အသားမှရသောအဆီ)များကို ရှောင်ကြဉ်သင့်ပြီး ခန္ဓာကိုယ်အတွက်ကောင်းမွန်သောမပြည့်ဝ ဆီများ(သံလွင်ဆီ၊ ထောပတ်သီးအဆီ)ကိုရွေးချယ်စားသုံး သင့်ပါတယ်။

ပရိုတင်းဓာတ်(အသားဓာတ်)အလွန်အကျွံစားသုံးခြင်းကိုရှောင် ကြဉ်ပါ။

အသည်းရောင်နေချိန်တွင်အသည်း၏လုပ်ဆောင်ချက်များကို ထိခိုက်စေသဖြင့်ခန္ဓာကိုယ်တွင်အမိုးနီးယားဓာတ်(ammonia) များစုပေါင်းနိုင်ပါတယ်။ ၄င်းဓာတ်သည်ဦးနှောက်ကိုအဆိပ်အ တောက်ဖြစ်စေနိုင်ပြီး ထိခိုက်စေနိုင်ပါတယ်။ ကျွမ်းကျင်ပညာ ရှင်များက ၁နေ့ကို ကိုယ်လေးချိန် ၁ကီလိုတွင် ပရိုတင်းဓာတ် ၁ဂရမ်နှုန်းထက်ပို၍မစားသင့်ကြောင်းဆိုထားပါတယ်။ ပရိုတင်း ဓာတ်ပါဝင်မှုများသောအစားအစာများမှာ အသား၊ ကြက်သား၊ ငါး၊ နို့ထွက်ပစ္စည်းများ၊ ပဲ၊ အစေ့အဆံများ ပါဝင်သည်။

ချိုသောအစားအစာများကိုမစားပါနှင့်။

ချိုသောအစားအစာများသည် ကာဗိုလ်ဟိုက်ဒရိတ်ဓာတ်များ ပါဝင်သောကြောင့်ဆီးချိုရောဂါဖြစ်စေနိုင်ပြီးအသည်းကိုလည်း ထိခိုက်နိုင်ပါတယ်။ ကိတ်မုန့်၊ ပေါင်မုန့်ဖြူ နှင့်သကြားပါသော အစားအစာများကိုရှောင်ကြဉ်သင့်ပါတယ်။ ထို့ပြင် သဘာဝ သကြားနှင့်အမျှင်ဓာတ်ပါသောအစားအစာများ(စတော်ဘယ်ရီ၊ လိမ္မော်သီး၊ ပန်းသီး) ကိုစားသင့်ပါတယ်။ အမျှင်ဓာတ် ပါသောအစားအစာများသည်ခန္ဓာကိုယ်မှသကြားစုပ်ယူမှုကိုနှေး ကွေးစေပြီးသွေးတွင်းသကြားဓာတ်ကိုထိန်းညှိပေးပါတယ်။

သင့်လျော်သောအစားအစာကိုရွေးချယ်ခြင်းသည် မည်သည့်ကု သမှုတွင်မဆိုအရေးပါသောအပိုင်းဖြစ်ပါတယ်။ သင့်လျော်သော အစားအစာများသည်သင့်ခန္ဓာကိုယ်မှအဆိပ် အတောက်များကို သန့် စင်စေနိုင်ပါတယ်။ အစားအသောက် ကိုသေချာစွာရွေးချယ်စားသုံးလေသင်ကျန်းမာလေဖြစ်မှာပါ။crd. hello doctor